Ոստիկանին նվիրված շարադրության մրցույթի հաղթողների պարգևատրման արարողություն ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)
07.05.2014 17:30
Անչափահասների իրավունքների պաշտպանության և ընտանեկան բռնության դեմ պայքարի դիրքերում
![Ոստիկանին նվիրված շարադրության մրցույթի հաղթողների պարգևատրման արարողություն ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ) Ոստիկանին նվիրված շարադրության մրցույթի հաղթողների պարգևատրման արարողություն ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)](/timthumb?src=/resources/police/img/news/big/1399470039,6717.jpeg&q=75&w=780&wm=1)
ՀՀ ոստիկանության նախաձեռնությամբ, ոստիկանության 96-րդ տարեդարձի կապակցությամբ՝ ապրիլին հանրապետության դպրոցներում անցկացվեց ոստիկանին նվիրված շարադրության մրցույթ: Կրթության և գիտության նախարարության կողմից ընտրված ութ լավագույն շարադրությունները ներկայացվեցին ոստիկանություն, որտեղ մայիսի 7-ին տեղի ունեցավ մրցույթի հաղթողների պարգևատրման արարողությունը:
Ողջունելով երեխաներին և հյուրերին՝ ոստիկանության պետ Վլադիմիր Գասպարյանը խոսքը փոխանցեց կրթության և գիտության նախարար Արմեն Աշոտյանին:
Վլադիմիր Գասպարյանն անդրադարձավ անչափահասների դաստիարակության, կրթական համակարգի հետ ոստիկանության համագործակցության, ավագ դպրոցում դպրոցական տեսուչի ինստիտուտի ներդրման և աճող սերնդին վերաբերող մի շարք այլ հիմնահարցերի, որոնք այսօր հրատապ են մեր հասարակության համար:
Ոստիկանության պետը կիսեց իր մտահոգությունները անչափահասների իրավախախտումների, ինքնահաստատման տարիքում որդեգրվող կեղծ արժեքների, անհատի և քաղաքացու կայացման շրջանի դժվարությունների վերաբերյալ և հավաստեց, որ ոստիկանությունն անելու է ամեն ինչ բացասական երևույթները համատեղ հաղթահարելու համար:
Հետո երեխաները հատվածներ կարդացին իրենց շարադրություններից, ինչին հաջորդեց անկաշկանդ զրույցը:
Ոստիկանին նվիրված շարադրության հանրապետական մրցույթի հաղթողներն արժանացան ոստիկանության և կրթության ու գիտության նախարարության մրցանակներին:
Ոստիկանության պետ Վլադիմիր Գասպարյանի հրամանով՝ երկու գերատեսչությունների համագործակցության մեջ ունեցած ներդրման համար պարգևների արժանացան կրթության և գիտության նախարար Արմենն Աշոտյանն ու ոլորտի այլ ներկայացուցիչներ:
Հանդիպման ավարտին մասնակիցները լուսանկարվեցին՝ ի հուշ ջերմ ու գեղեցիկ օրվա:
![](/images/16/17/29/75/KG_01.jpg)
![](/images/16/17/29/75/KG_02.jpg)
![](/images/16/17/29/75/KG_03.jpg)
![](/images/16/17/29/75/KG_04.jpg)
![](/images/16/17/29/75/KG_05.jpg)
![](/images/16/17/29/75/KG_06.jpg)
![](/images/16/17/29/75/KG_07.jpg)
![](/images/16/17/29/75/KG_08.jpg)
![](/images/16/17/29/75/KG_09.jpg)
![](/images/16/17/29/75/KG_10.jpg)
![](/images/16/17/29/75/KG_011.jpg)
![](/images/16/17/29/75/KG_012.jpg)
![](/images/16/17/29/75/KG_13.jpg)
![](/images/16/17/29/75/KG_014.jpg)
![](/images/16/17/29/75/KG_015.jpg)
![](/images/16/17/29/75/KG_016.jpg)
![](/images/16/17/29/75/KG_017.jpg)
![](/images/16/17/29/75/KG_018.jpg)
![](/images/16/17/29/75/KG_019.jpg)
![](/images/16/17/29/75/KG_020.jpg)
![](/images/16/17/29/75/KG_021.jpg)
![](/images/16/17/29/75/KG_022.jpg)