Գողությունների շարք Գեղարքունիքի մարզում

20.11.2014 09:29 Գողություն

Նոյեմբերի 18-ին, ժամը 16.15-ին, մի քրեական գործի նախաքննության շրջանակներում ոստիկանության Վարդենիսի բաժնում տվյալներ են ստացվել, որ մեղադրյալներ 1982 թ. ծնված Արգիշտի Բ.-ն, 1985 թ. ծնված Արգեն Բ.-ն, 1989 թ. ծնված Արման Ս.-ն, 1990 թ. ծնված Աշոտ Հ.-ն և 1996 թ. ծնված Դավիթ Դ.-ն գողություն են կատարել նաև

-Գեղարքունիքի մարզի Լիճք գյուղի կենտրոնական ճանապարհի ձախ հատվածում գտնվող մթերային խանութից:

Խանութի տնօրենը հաղորդում է տվել, որ օգոստոսի 1-ի գիշերը կատարվել է 120.000 դրամի և տարբեր տեսակի ապրանքների գողություն` պատճառելով շուրջ 2.000.000 դրամի նյութական վնաս:

- Մարտունի քաղաքի Երևանյան փողոցի թիվ 10 հասցեում գտնվող մթերային խանութից:

Խանութի տնօրենը հաղորդում է տվել, որ նոյեմբերի 3-ի գիշերը իր խանութից կատարվել է 40.000 մետաղադրամի և տարբեր տեսակի ապրանքների գողություն` պատճառելով շուրջ 2.000.000 դրամի նյութական վնաս:

- Վարդենիս քաղաքի Երևանյան փողոցի թիվ 4 հասցեում գործող հագուստի խանութից:

Խանութի տնօրենը հաղորդում տվել, որ նոյեմբերի 12-ի գիշերը, պատուհանի ապակին կոտրելով, մտել են խանութ և գողացել տարբեր տեսակի հագուստ և կոշիկներ, իսկ դրամարկղից՝ 48.000 դրամ` պատճառելով ընդհանուր 900.000 դրամի նյութական վնաս:

Գողությունների մասին նախկինում չի հայտնվել:

Արգիշտի Բ.-ն և Արման Ս.-ն կալանավորվել են:

Ձեռնարկվում են միջոցառումներ Արգեն Բ.-ին և գողոնը հայտնաբերելու ուղղությամբ:

Կատարվում է քննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Գողությունների շարք Գեղարքունիքի մարզում

ՀԻՄՆԱԿԱՆ