Շոգեբաղնիքից ոսկյա շղթա էր գողացել

Մայիսի 7-ին, ժամը 23.40-ին, ոստիկանության Տարոնի բաժին մի տղամարդուց հաղորդում է ստացվել, որ նույն օրը, ժամը 15.00-ի սահմաններում, Վանաձոր քաղաքի Դեմիրճյան փողոցում գործող շոգեբաղնիքում ոմն Անուշ, օգտվելով իր անուշադրությունից, պահարանից գողացել է իր ոսկյա շղթան՝ պատճառելով 200.000 դրամի վնաս:
Նյութերի նախապատրաստման ընթացքում ոստիկանության Տարոնի և Բազումի բաժինների ծառայողների համատեղ ձեռնարկած միջոցառումների շնորհիվ պարզվել է, որ Անուշը 1983 թ. ծնված Վալենտինա Բ.-ն է: Նա հրավիրվել է ոստիկանության Տարոնի բաժին և տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: