Ընդունելություն ՀՀ ոստիկանությունում (ՏԵՍԱՆՅՈՒԹ)
![Ընդունելություն ՀՀ ոստիկանությունում (ՏԵՍԱՆՅՈՒԹ) Ընդունելություն ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1461766811,4208.jpeg&q=75&w=780&wm=1)
Ապրիլի 27–ին ոստիկանության շտաբի պետ, ոստիկանության գեներալ-մայոր Արամ Զաքարյանն ընդունեց Վրաստանում ԱՄՆ դեսպանության իրավական կցորդ Քեթլին Քանինգին և կցորդի օգնական Մառլեն Բենսոնին:
Ողջունելով հյուրերին՝ Արամ Զաքարյանը նշեց, որ Հայաստանի Հանրապետության ոստիկանության և ԱՄՆ Հետաքննությունների Դաշնային Բյուրոյի միջև ձևավորված աշխատանքային հարաբերությունները հետևողականորեն ամրապնդվում և ընդլայնվում են` ամուր հիմքեր ստեղծելով գործընկերության հետագա զարգացման համար:
Քեթլին Քանինգը շնորհակալություն հայտնեց ջերմ ընդունելության համար և պատրաստակամություն հայտնեց էլ ավելի արդյունավետ շարունակել համագործակցությունը ՀՀ ոստիկանության հետ:
Հանդիպման ընթացքում քննարկվեցին տվյալների փոխանակման և Հայաստանի ոստիկանության ծառայողների վերապատրաստման հետ կապված մի շարք հարցեր:
Մեր երկրում իր առաքելությունն ավարտող Մառլեն Բենսոնը շնորհակալություն հայտնեց հայկական կողմից` աշխատանքային գործունեության ընթացքում արդյունավետ համագործակցության և ցուցաբերած արհեստավարժության համար:
Հանդիպման ընթացքում քննարկվեցին փոխադարձ հետաքրքրություն ներկայացնող այլ հարցեր ևս: