Ոստիկանները հայտնաբերեցին հերթական հետախուզվողներին

Ոստիկանության Արաբկիրի բաժնի ծառայողները հունվարի 15-ին, ժամը 22.00-ին, Պռոշյան փողոցի 1-ին նրբանցքի թիվ 56 տան մոտից բերման են ենթարկել 1972 թ. ծնված Արամ Ղ.-ին, որը 2013 թ. դեկտեմբերի 6-ից հետախուզվում էր դիտավորությամբ առողջությանը ծանր վնաս պատճառելու մեղադրանքով:

***
Հունվարի 15-ին, ժամը 17.40-ին, ոստիկանության քրեական հետախուզության գլխավոր վարչության և «Զվարթնոց» օդանավակայանի գծային բաժնի ծառայողները օդանավակայանից բերման են ենթարկել 1969 թ. ծնված Վաղարշակ Դ.-ին, որը 2013 թ. հունիսի 4-ից ՌԴ Մոսկվա քաղաքի իրավապահների կողմից հետախուզվում էր խարդախության մեղադրանքով:

***
Հունվարի 15-ին, ժամը 14.00-ին, ոստիկանության Բագրատաշենի բաժանմունքի ծառայողները Բագրատաշենի մաքսատան հարակից տարածքից բերման են ենթարկել 1987 թ. ծնված Կարինա Գ.-ին, որը 2012 թ. հոկտեմբերի 14-ից ՌԴ Կրասնոդարի երկրամասի իրավապահների կողմից հետախուզվում էր գողության մեղադրանքով: