Ոստիկանության աշխատանքի արժևորումը վկայում է հասարակության կողմից ոստիկանության հանդեպ վերաբերմունքի դրական փոփոխության մասին
23.03.2013 14:19
Համակարգի լրատու
![Ոստիկանության աշխատանքի արժևորումը վկայում է հասարակության կողմից ոստիկանության հանդեպ վերաբերմունքի դրական փոփոխության մասին Ոստիկանության աշխատանքի արժևորումը վկայում է հասարակության կողմից ոստիկանության հանդեպ վերաբերմունքի դրական փոփոխության մասին](/timthumb?src=/resources/police/img/news/big/1364034052,9099.jpeg&q=75&w=780&wm=1)
Մարտի 22-ին ՀՀ ոստիկանության պետ, գեներալ-լեյտենանտ Վլադիմիր Գասպարյանը հանդիպեց «Իրավունք» շաբաթաթերթի խմբագրական խորհրդի ներկայացուցիչների հետ: Առիթը խորհրդի որոշումն էր՝ 2012 թ. դատաիրավական ոլորտի լավագույն գործիչ ճանաչելու կապակցությամբ ՀՀ ոստիկանության պետին պատվոգրով պարգևատրելու մասին:
Շնորհակալություն հայտնելով՝ Վլադիմիր Գասպարյանն ընդգծեց, որ դա ոստիկանական ողջ համակարգի աշխատանքի արժևորումն է և կարևորեց այն հանգամանքը, որ վերջին շրջանում ոստիկանությունը այդպիսի գնահատման արժանացել և արժանանում է հատկապես զանգվածային լրատվության միջոցների կողմից, ինչը վկայում է հասարակության կողմից ոստիկանության հանդեպ վերաբերմունքի դրական փոփոխության մասին:
Խոսելով ոստիկանության նոր գործելաոճի առանձնահատկությունների մասին՝ ոստիկանության պետը նաև նշեց, որ ոստիկանական աշխատանքում և համակարգի բարեփոխման ընթացքում հիմնարար է հասարակական գործընթացներից մի քայլ առաջ լինելու սկզբունքը:
Ամփոփելով վերջին տարվա ընթացքում կատարված աշխատանքը՝ ՀՀ ոստիկանության պետը ամենագլխավորը համարեց ոստիկանություն-հասարակություն կապի և փոխվստահության ամրապնդումը:
Հանդիպման ավարտին Վլադիմիր Գասպարյանը ոստիկանական խորհրդանիշերով հուշանվերներ հանձնեց հյուրերին: