1-02
ՀՅ
ՆՈՐՈՒԹՅՈՒՆՆԵՐ ՄԻՋԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ ՕՐԵՆՍԴՐՈՒԹՅՈՒՆ ՏԵՂԵԿԱՏՎԱԿԱՆ ԿԵՆՏՐՈՆ ԿԱԴՐԱՅԻՆ ԱՊԱՀՈՎՈՒՄ ՀԱՄԱՅՆՔԱՅԻՆ ՈՍՏԻԿԱՆՈՒԹՅՈՒՆ ՈՒՂԱՐԿԵԼ ԴԻՄՈՒՄ ԿԱՅՔԻ ՔԱՐՏԵԶ
1-02
ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Ոստիկանությունը պարզաբանում է համացանցում զետեղված տեղեկատվությունը

05.05.2013 14:55 Ընտրություններ
www.zham.am համացանցային կայքում տարածված տեղեկատվության համաձայն՝ Աթոյան անցուղի 1, բն. 30 հասցեի բնակիչ Ռոբերտ Ավետիքյանը հայտարարել է, որ իր բնակարանում գրանցված է մի քաղաքացի, ով վերջին 15 տարիներին բնակվում է Մեծ Բրիտանիայում, ՀՀ քաղաքացի չի հանդիսանում, սակայն վերջինիս տվյալները մշտապես առկա են լինում ընտրացուցակներում: Ըստ քաղաքացու՝ բազմիցս դիմել է ոստիկանություն, սակայն անծանոթ քաղաքացուն իր բնակարանի հաշվառումից հանելու ուղղությամբ որևէ գործողություն չի ձեռնարկվել:
Նույն կայքէջում նշվել է նաև, որ 1931 թ. ծնված Արծրունիկ Մեսրոպյանը մահացել է շուրջ 4 տարի առաջ, սակայն պատկան մարմինները նրա տվյալները համառորեն չեն հանում ընտրացուցակներից:
ՀՀ ոստիկանությունը պարզաբանում է, որ բնակչության պետական ռեգիստրի տվյալների համաձայն՝ Ռուբեն Շմավոնի Սարգսյանը հանդիսանում է Հայաստանի Հանրապետության քաղաքացի և  28.10.1996 թ.-ից մինչ օրս հաշվառված է Երևան քաղաքի Աթոյան անցուղի 1 շենքի բն. 30 հասցեում: Ռ. Սարգսյանին նշված հասցեի հաշվառումից հանելու խնդրով Ռոբերտ Գրիգորի Ավետիքյանը Էրեբունու անձնագրային ծառայություն է դիմել միայն 2013 թ. ապրիլի 23-ին (հաշվառումից հանելու վերաբերյալ Ռ. Սարգսյանը նախկինում երբևէ չի դիմել):
ՀՀ կառավարության 2005 թ. հուլիսի 14-ի թիվ 1231-Ն որոշման 1-ին հավելվածի 13.1 հոդվածի համաձայն՝ անձնագրային ծառայությունը նույն օրը անշարժ գույքի կադաստրի պետական կոմիտեի տարածքային ստորաբաժանում հարցում է կատարել դիմումատուի և հաշվառված անձի գույքային իրավունքները պարզելու համար, որի պատասխանը դեռևս չի ստացվել: Ըստ նույն որոշման՝ անձնագրային ծառայությունները իրավասու չեն իրականացնելու հաշվառումից հանելու գործողություններ` առանց անշարժ գույքի կատաստրի պետական կոմիտեի տարածքային ստորաբաժանման կողմից գրավոր հավաստում ստանալու:
Ինչ վերաբերում է Աթոյան անցուղի 14 շենքի բն. 32 հասցեում հաշվառված Արծունիկ /այլ ոչ թե` Արծրունիկ/ Բարսեղի Մեսրոպյանի մահացած լինելու հայտարարությանը, ապա ըստ հասցեի հարևանությամբ բնակվող անձանց հայտարարությունների՝ Ա. Մեսրոպյանը մի քանի տարի առաջ մահացել է ՀՀ սահմաններից դուրս:
Հաշվի առնելով այն հանգամանքը, որ Արծունիկ Բարսեղի Մեսրոպյանը մահացել է ՀՀ սահմաններից դուրս, վերջինիս մահվան վերաբերյալ տեղեկատվությունը սահմանված կարգով և ժամկետներում ՀՀ ոստիկանությունում չի ստացվել: Բացի այդ`  ընտրացուցակների ճշգրտման գործընթացի շրջանակներում քաղաքացու մահվան վերաբերյալ տեղեկատվություն չի ստացվել նաև վերջինիս հարազատների կամ այլ շահագրգիռ անձանց կողմից:
Հարկ է նշել, որ մահվան փաստի վերաբերյալ ռեգիստրը վարող մարմնին օրենսդրությամբ սահմանված կարգով չտրամադրված տեղեկատվության առկայությունը ընտրողների ցուցակում ՀՀ ընտրական օրենսգրքի իմաստով անճշտություն չի համարվում:
 
      ՀՀ ոստիկանություն

ՀԻՄՆԱԿԱՆ