Որ տոնը տոնական լինի (ՏԵՍԱՆՅՈՒԹ)
![Որ տոնը տոնական լինի (ՏԵՍԱՆՅՈՒԹ) Որ տոնը տոնական լինի (ՏԵՍԱՆՅՈՒԹ)](/timthumb?src=/resources/police/img/news/big/1398946674,1537.jpeg&q=75&w=780&wm=1)
Այսօր Մայիսի 1-ն է` Աշխատանքի և աշխատավորության օրը: Եվ օրը ոչ միայն ոչ աշխատանքային, այլև իսկապես տոնական է, առաջին հերթին` երեխաների համար: Սկսեցին գործել զբոսայգիներն ու ատրակցիոնները, հասարակական վայրերում կազմակերպվում են ամենատարբեր միջոցառումներ:
Ոստիկանության ստորաբաժանումներն առավոտից ուժեղացված ծառայություն են իրականացնում հասարակական ու ժամանցի վայրերում, այգիներում, հարակից տարածքներում:
Վերահսկվում ու կարգավորվում է տրանսպորտի երթևեկությունը ծանրաբեռնված փողոցներում: Պարեկախմբերի ծառայողները անհրաժեշտ օգնություն են ցուցաբերում մայրաքաղաքի բնակիչներին ու հյուրերին, հետևում երեխաների տեղաշարժին, ապահովում հասարակական կարգն ու քաղաքացիների անվտանգությունը, որպեսզի տոնը տոնական ընթացք ունենա:
Ոստիկանության ստորաբաժանումների ուժեղացված ծառայությունը կշարունակվի մինչև տոնական օրվա ավարտը: