Պայթյուն և հրդեհ բենզալցակայանում

Նոյեմբերի 12-ին, ժամը 10.10-ին, ոստիկանության Կենտրոնականի բաժնում ահազանգ է ստացվել, որ Հերացու փողոցի բենզալցակայանում պայթյուն է եղել:
Պարզվել է, որ նույն օրը, ժամը 10-ին, երբ Հերացու փողոցի թիվ 2/ 5 հասցեում գտնվող բենզալցակայանում 1960 թ. ծնված Հրաչ Թ.-ն իր վարած «ԶԻԼ» մակնիշի բենզատարով լիցքավորել է բենզահորը՝ տեղի է ունեցել պայթյուն և բռնկվել է հրդեհ, ինչի հետևանքով այրվել է բենզալցակայանը, բենզատար ավտոմեքենան և բենզին լիցքավորող սարքավորումները:
Հրաչ Թ.-ն դեմքի այրվածքներով տեղափոխվել է հիվանդանոց:
Վնասի չափը պարզվում է:
Ժամը 10.30-ին ԱԻՆ ՀՓՋ կողմից հրդեհը մարվել է:
Կատարվում է քննություն: