Պատահարներ Երևանում և հանրապետության ավտոճանապարհներին

Մարտի 25-ին, ժամը 15.15-ին, տրոլեյբուսի վարորդը Երևանի Արշակունյաց պողոտայում կտրուկ արգելակել է, ինչի հետևանքով 53-ամյա ուղևորուհին վայր է ընկել և վնասվածքներով տեղափոխվել հիվանդանոց:
Կատարվում է քննություն:

***
Մարտի 25-ին, ժամը 16.15-ին, «Լեքսուս» մակնիշի ավտոմեքենան Երևանի Աբովյան պուրակի մոտ բախվել է «ԵրԱԶ» մակնիշի ավտոմեքենայի:
«ԵրԱԶ»-ի վարորդը և 4 ուղևորները վնասվածքներով տեղափոխվել են հիվանդանոց:
Կատարվում է քննություն:

***
Մարտի 24-ին, ժամը 16.45-ին, հիվանդանոցից ոստիկանության Նոր Նորքի բաժնում հաղորդում էր ստացվել, որ ձեռքի սալջարդով բուժօգնության է դիմել 1991 թ. ծնված Տարոն Ա.-ն` հայտնելով, որ վնասվածքն ստացել է տանը վայր ընկնելու հետևանքով:
Հաջորդ օրը նա բացատրություն է տվել, որ մարտի 23-ին, ժամը 22.00-ին, ընկերոջ` 1985 թ. ծնված Բաբկեն Ա.-ի վարած «Հունդայի» մակնիշի ավտոմեքենան, որի մեջ նստած է եղել նաև ինքը, բախվել է «Դեու» մակնիշի ավտոմեքենայի:
Կատարվում է քննություն:

***
Մարտի 25-ին, ժամը 11.30-ին, Երևանի Գոգոլի փողոցի թիվ 5 շենքի դիմաց անհայտ մակնիշի ավտոմեքենայի վարորդը վրաերթի է ենթարկել 35-ամյա տղամարդու, որը բուժօգնույթան է դիմել հիվանդանոց:
Նույն օրը, ժամը 16.40-ին, ոստիկանություն է ներկայացել 59-ամյա մի տղամարդ և հայտնել, որ վրաերթը, «Ֆոլքսվագեն-Վենտո» մակնիշի ավտոմեքենայով, կատարել է ինքը:
Կատարվում է քննություն:

***
Մարտի 25-ին, ժամը 12.30-ի սահմաններում, «ՎԱԶ-2106» մակնիշի ավտոմեքենան Ալաշկերտ-Նորապատ ճանապարհի 5-րդ կմ-ին կողաշրջվել է:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Մարտի 25-ին, ժամը 23.30-ի սահմաններում, «Մերսեդես-Բենց G 55AMG» մակնիշի ավտոմեքենա Սևան-Մարտունի-Գետափ ճանապարհի 53-րդ կմ-ին կողաշրջվել է, ինչի հետևանքով վարորդը և 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Մարտի 25-ին, ժամը 23.30-ի սահմաններում, «ԲՄՎ» մակնիշի ավտոմեքենան Մեղրի-Երևան ճանապարհի 133-րդ կմ-ին գլորվել է ձորը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: