Պատահարներ մայրաքաղաքում և հանրապետության ավտոճանապարհներին

Հունիսի 10-ին, ժամը 12.30-ին, «Մերսեդես» մակնիշի ավտոմեքենայի վարորդը Երևանի Չեխովի փողոցում վրաերթի է ենթարկել 58-ամյա կնոջ և նրան տեղափոխել հիվանդանոց:
Կատարվում է քննություն:

***
Հունիսի 10-ին, ժամը 05.00-ին, «Օպել» մակնիշի ավտոմեքենան Երևանի Մ. Խորենացու փողոցում բախվել է շինություններից մեկի պատին, ինչի հետևանքով վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 10-ին, ժամը 22.00-ին, Երևանի Աճառյան փողոցում, հետադարձի համար նախատեսված ճանապարհահատվածում, իրար են բախվել «Ռենո» և «Տոյոտա» մակնիշի ավտոմեքենաներ:
«Տոյոտա»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 10-ին, ժամը 20.00-ի սահմաններում, «ՈւԱԶ» մակնիշի ավտոմեքենան Երևան-Գառնի ճանապարհի 13-րդ կմ-ին կողաշրջվել է, ինչի հետևանքով վարորդը և 4 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: