Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1519974000,3817.jpeg&q=75&w=780&wm=1)
Մարտի 1-ին, ժամը 12.45-ից մինչև ժամը 12.50-ն ընկած ժամանակահատվածում, անհայտ ավտոմեքենայի վարորդը Երևանի Ամիրյան և Կողբացու փողոցների խաչմերուկում վրաերթի է ենթարկել 21-ամյա քաղաքացուհու, որը մարմնական վնասվածքներով բուժօգնության է դիմել հիվանդանոց:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ քաղաքացուհուն վրաերթի է ենթարկել «ՎԱԶ-2109» մակնիշի ավտոմեքենայի 23-ամյա վարորդը, որը բացատրական աշխատանքների շնորհիվ նույն օրը, ժամը 20.30-ին, ներկայացել է ոստիկանություն և տվել խոստովանական բացատրություն:
Կատարվում է քննություն:
***
Մարտի 1-ին, ժամը 20.20-ին, Երևանի Խանջյան փողոցի թիվ 19 հասցեի մոտ իրար են բախվել «ՎԱԶ-2109» և «ԳԱԶ-32213» մակնիշի ավտոմեքենաներ, ինչի հետևանքով վերջինս բախվել է կայանած «Նիսան» և «Մերսեդես» մակնիշի ավտոմեքենաներին ու վրաերթի ենթարկել «Նիսան»-ի վարորդին:
«ԳԱԶ-32213»-ի 2 ուղևորները և «Նիսան»-ի վարորդը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մարտի 1-ին, ժամը 22.00-ին, «ՎԱԶ-2106» մակնիշի ավտոմեքենան բախվել է Երևանի Բագրատունյաց փողոցի թիվ 93 հասցեի մոտ կայանված անհայտ բեռնատար ավտոմեքենայի:
«ՎԱԶ-2106»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մարտի 1-ին, ժամը 16.30-ի սահմաններում, Էջմիածին-Մարգարա ճանապարհի 12-րդ կմ-ին իրար են բախվել «Մերսեդես G-500» և «Մերսեդես C-180» մակնիշի ավտոմեքենաներ:
Վարորդները և «Մերսեդես G-500»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մարտի 2-ին, ժամը 2.20-ի սահմաններում, Երևան-Սևան ճանապարհի 43-րդ կմ-ին «ԲՄՎ» մակնիշի ավտոմեքենան բախվել է «ՎԱԶ-2106» մակնիշի ավտոմեքենայի:
«ՎԱԶ-2106»-ի վարորդը մարմնական վնասվածքներով դիմել է հիվանդանոց:
Կատարվում է քննություն:
***
Մարտի 1-ին, ժամը 17.35-ի սահմաններում, Սևան-Երևան ճանապարհի 14-րդ կմ-ին «Ռենո» մակնիշի ավտոմեքենան բախվել է ճանապարհի արգելապատնեշին և կողաշրջվել. վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: