Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1412152968,8339.jpeg&q=75&w=780&wm=1)
Սեպտեմբերի 30-ին, ժամը 16.00-ին, «Մերսեդես-Բենց» մակնիշի ավտոմեքենայի վարորդը Երևանի Ջանիբեկյան և Պարսեղովի փողոցների խաչմերուկում վրաերթի է ենթարկել 10-ամյա աղջնակի, որը մարմնական վնասվածքներով տեղափոխվել է հիվանդանոց։
Կատարվում է քննություն:
***
Հոկտեմբերի 1-ին, ժամը 00.30-ի սահմաններում, «Մերսեդես Բենց» մակնիշի ավտոմեքենան Էջմիածին քաղաքի Վազգեն Առաջին-Մաշտոց փողոցների խաչմերուկում բախվել է 1985 թ. ծնված Վարդան Բ.-ի վարած «ՎԱԶ-2107» մակնիշի ավտոմեքենային, այնուհետև՝ 1990 թ. ծնված Գևորգ Հ.-ի վարած «Մերսեդես Բենց» մակնիշի ավտոմեքենային, ինչի հետևանքով Առնակ Մ.-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Սեպտեմբերի 30-ին, ժամը 22.30-ի սահմաններում, Սևան-Զովաբեր ճանապարհի 1-ին կմ հատվածում «Մերսեդես Բենց» մակնիշի ավտոմեքենան բախվել է արգելապատնեշների, ինչի հետևանքով վարորդը և ուղևորը վնասվածքներով տեղափոխվել են հիվանդանոց:
Կատարվում է քննություն:
***
Սեպտեմբերի 30-ին, ժամը 22.30-ի սահմաններում, «ՎԱԶ-2106» մակնիշի ավտոմեքենան Գետափ-Մարտունի ճանապարհի 9-րդ կմ-ին բախվել է «ՈՒԱԶ-469» մակնիշի ավտոմեքենայի, ինչի հետևանքով «ՎԱԶ-2106»-ի ուղևորը մարմնական վնասվածքներով տեղափոխվել է հիվանդանոց:
Քննչական բաժնում նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: