Ճանապարհատրանսպորտային պատահարներ Հայաստանում
![Ճանապարհատրանսպորտային պատահարներ Հայաստանում Ճանապարհատրանսպորտային պատահարներ Հայաստանում](/timthumb?src=/resources/police/img/news/big/1691742191-3283.jpeg&q=75&w=780&wm=1)
Օգոստոսի 9-ին, ժամը 18.30-ին, Երևանի Թևոսյան փողոցում անհայտ ավտոմեքենայի վարորդը վրաերթի է ենթարկել 48-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Օգոստոսի 10-ին, ժամը 13.20-ի սահմաններում, Մարգարա-Վանաձոր-Տաշիր ճանապարհի 42-րդ կմ-ին իրար են բախվել «Միցուբիշի» և «ՎԱԶ-21099» մակնիշի ավտոմեքենաներ. «ՎԱԶ-21099»-ի 64-ամյա վարորդը և չորս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Օգոստոսի 10-ին, ժամը 18․00-ին, Արմավիր-Երևան ճանապարհին՝ Ակնալիճ գյուղի հատվածում, իրար են բախվել «Լեքսուս», «ՎԱԶ-2107» և երկու «Օպել» մակնիշի ավտոմեքենաներ. «Օպելներից» մեկի 37-ամյա վարորդը և 43-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Օգոստոսի 10-ին, ժամը 10.15-ի սահմաններում, Ձորաղբյուր-Ողջաբերդ գյուղերի խաչմերուկում իրար են բախվել «ՎԱԶ-2107» և «Զիլ» մակնիշի ավտոմեքենաներ. «ՎԱԶ-2107»-ի երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Օգոստոսի 10-ին, ժամը 13.10-ի սահմաններում, Երևան-Մեղրի միջպետական ճանապարհի 112,7-րդ կմ-ին իրար են բախվել «Օպել», «Մերսեդես» և «ՎԱԶ-21045» մակնիշի ավտոմեքենաներ.ՎԱԶ-21045»-ի 77-ամյա ուղևորը և «Օպելի» 31-ամյա վարորդը մարմնական վնասվածքներով տեղափոխվել են հիվանդանոց:
Կատարվում է քննություն:
***
Օգոստոսի 10-ին, ժամը 07.00-ի սահմաններում, Երևան-Մեղրի ճանապարհի 138-րդ կմ-ին իրար են բախվել «Միցուբիշի» և «Օպել» մակնիշի ավտոմեքենաներ. «Միցուբիշիի» երկու ուղևորուհիները և «Օպելի» 61-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Օգոստոսի 10-ին, ժամը 20.30-ի սահմաններում, Մեղրի-Երևան ավտոճանապարհի 225-րդ կմ-ին «Նիսան Պատֆայնդեր» մակնիշի ավտոմեքենան դուրս է եկել երթևեկելի գոտուց և գլորվել ձորը. 40-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:
***
Օգոստոսի 10-ին, ժամը 19.20-ի սահմաններում, Բերդավան-Նոյեմբերյան ճանապարհի 1-ին կմ-ին «Ֆոլքսվագեն» մակնիշի ավտոմեքենան բախվել է «Օպել Աստրա» մակնիշի ավտոմեքենային և կողաշրջվել. «Ֆոլքսվագենի» 32-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: