Ճանապարհատրանսպորտային պատահարներ Հայաստանում

ԼՐԱՑՎԱԾ․ 14․01․21թ․

Հունվարի 13-ին, ժամը 00.15-ին, Երևանի Իսակովի պողոտայում իրար են բախվել «ԲՄՎ», «Մազդա» և «Միցուբիշի» մակնիշի ավտոմեքենաներ. «Միցուբիշիի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հունվարի 11-ին, ժամը 21.10-ին, 24-ամյա քաղաքացին բուժօգնության է դիմել հիվանդանոց և հայտնել, որ մարմնական վնասվածքները ստացել է Երևանի 16-րդ թաղամասում՝ ինքնավթարի հետևանքով:
Կատարվում է քննություն։

***

Հունվարի 12-ին, ժամը 14.00-ին, Երևանի Բագրատունյաց փողոցում ավտոբուսի վարորդը վրաերթի է ենթարկել 70-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հունվարի 12-ին, ժամը 20.00-ին, Երևանի Արշակունյաց պողոտայի և Բագրատունյաց փողոցի խաչմերուկում իրար են բախվել «Օպել» և «Հունդայի» մակնիշի ավտոմեքենաներ, ապա «Հունդայի» ավտոմեքենայի վարորդը վրաերթի է ենթարկել 38-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հունվարի 12-ին, ժամը 22.40-ի սահմաններում, Աբովյան քաղաքի Հատիսի փողոցում «Հոնդա Էլանտրա» մակնիշի ավտոմեքենայի վարորդը վրաերթի է ենթարկել 31-ամյա քաղաքացու, որը մարմնական վնասվածքներով տեղափոխվել է հիվանդանոց:

Կատարվում է քննություն։