Պատահարներ Երևանում և հանրապետության ավտոճանապարհներին
Նոյեմբերի 20-ին, ժամը 7.10-ին, «Ռենո» մակնիշի ավտոմեքենայի վարորդը Երևանի Արշակունյաց պողոտայի թիվ 196 հասցեի մոտ վրաերթի է ենթարկել 73-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Նոյեմբերի 19-ին, ժամը 22.50-ին, Երևանի Այվազովսկու և Աթոյան փողոցների խաչմերուկում իրար են բախվել «ԲԻԴ» և «ՎԱԶ-2115» մակնիշի ավտոմեքենաներ:
«ԲԻԴ»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Նոյեմբերի 20-ին, ժամը 17.00-ին, «ԲՄՎ» մակնիշի ավտոմեքենան Երևանի Բ.Մուրադյան փողոցի թիվ 2/7 հասցեի մոտ վրաերթի է ենթարկել 46-ամյա տղամարդու, ապա բախվել մայթեզրին կայանված «Տոյոտա» մակնիշի ավտոմեքենային, ինչից հետո ավտոմեքենաները բախվել են Բ.Մուրադյան փողոցի թիվ 2/7 հասցեի պատին ու երկաթե դարբասին:
«ԲՄՎ»-ի վարորդը և վրաերթի ենթարկված տղամարդը մարմնական վնասվածքներով բուժօգնության են տեղափոխվել հիվանդանոց:
Կատարվում է քննություն:
***
Նոյեմբերի 21-ին, ժամը 1.00-ի սահմաններում, Աշտարակ քաղաքի Նարեկացու-Վ.Պետրոսյան փողոցների խաչմերուկում իրար են բախվել «ՎԱԶ 2106» և «Օպել» մակնիշի ավտոմեքենաներ:
«ՎԱԶ 2106»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:
***
Նոյեմբերի 20-ին, ժամը 18.00-ին, «ԳԱԶ 2410» մակնիշի ավտոմեքենայի վարորդը Վանաձորի Տիգրան Մեծի պողոտայի թիվ 79 շենքի դիմաց` հետիոտնի համար նախատեսված անցումի վրա, վրաերթի է ենթարկել 14-ամյա աղջկա և հեռացել:
Աղջիկը տեղափոխվել է հիվանդանոց, սակայն հրաժարվել է բուժզննումից:
Նույն օրը, ժամը 19.20-ին, Հալաբյան փողոցի սկզբնամասից ավտոմեքենայով հանդերձ ոստիկանները բերման են ենթարկել վարորդին:
Կատարվում է քննություն:
***
Նոյեմբերի 20-ին, ժամը 3.30-ի սահմաններում, «ԲՄՎ-520» մակնիշի ավտոմեքենան Սպիտակ-Երևան ճանապարհին՝ Իտալական թաղամասի մոտ, դուրս է եկել երթևեկելի գոտուց և կողաշրջվել. վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Նոյեմբերի 20-ին, ժամը 9.00-ի սահմաններում, «Սամանդ» մակնիշի ավտոմեքենայի վարորդը Եղվարդ քաղաքի Չարենցի փողոցում վրաերթի է ենթարկել 13-ամյա աղջկա և տեղափոխել նրան հիվանդանոց:
Կատարվում է քննություն:
***
Նոյեմբերի 20-ին, ժամը 9.15-ին, «ՎԱԶ-2109» մակնիշի ավտոմեքենան Մարմաշեն-Գյումրի ճանապարհի 4-րդ կմ-ին դուրս է եկել երթևեկելի գոտուց և շրջվել. վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
