Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1401093888,9338.jpeg&q=75&w=780&wm=1)
Մայիսի 25-ին, ժամը 11.00-ին, Ճանապարհային ոստիկանություն ահազանգ է ստացվել, որ մայիսի 23-ին, ժամը 19.00-ից 19.30-ն ընկած ժամանակահատվածում «ՎԱԶ-2106» մակնիշի ավտոմեքենայի վարորդը Երևանի Բաբաջանյան փողոցի թիվ 24/31 շենքի մոտ վրաերթի է ենթարկել 9-ամյա աղջկա և պատճառել մարմնական վնասվածքներ:
Կատարվում է քննություն:
***
Մայիսի 25-ին, ժամը 19.00-ին, թիվ 10 երթուղին սպասարկող տրոլեյբուսի վարորդի կողմից երթևեկությունը վերսկսելու ժամանակ Երևանի Կոմիտասի պողոտայի թիվ 60/2 հասցեի դիմաց տրոլեյբուս բարձրացող 61-ամյա ուղևորուհին վայր է ընկել երթևեկելի մաս և ստացել վնասվածքներ:
Տրոլեյբուսի վարորդը տուժողին տեղափոխել է հիվանդանոց:
Կատարվում է քննություն:
***
Մայիսի 26-ին, ժամը 00.30-ի սահմաններում, Սևան-Մարտունի-Գետափ ճանապարհի 7-րդ կմ-ին իրար են բախվել «ՎԱԶ-21061» և «Ֆոլքսվագեն Վենտո» մակնիշի ավտոմեքենաներ:
«Ֆոլքսվագեն Վենտո»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 25-ին, ժամը 20.45-ի սահմաններում, «Հունդայի Էլանտրա» մակնիշի ավտոմեքենայի վարորդը Վանաձորի Տիգրան Մեծի պողոտայի թիվ 10 հասցեի դիմաց վրաերթի է ենթարկել 27-ամյա քաղաքացուհու և նրա 2-ամյա որդուն, ինչի հետևանքով վերջիններս մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 25-ին, ժամը 16.30-ի սահմաններում, «ՎԱԶ 2121» մակնիշի ավտոմեքենան Լոռու մարզի Ճոճկան գյուղի գերեզմանների ճանապարհին դուրս է եկել ճանապարհի բանուկ մասից և հարվածել ճամփեզրի պատնեշին, ինչի հետևանքով վարորդը և ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 25-ին, ժամը 13.30-ին, Գյումրիի Տերյան և Տիգրանյան փողոցների խաչմերուկում «Ֆոլքսվագեն-Գոլֆ» մակնիշի ավտոմեքենան բախվել է «Օպել-Վեկտրա» մակնիշի ավտոմեքենայի:
«Օպել-Վեկտրա»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:
***
Մայիսի 24-ին, ժամը 19.30-ի սահմաններում, Կապանի Ձորք թաղամասում «ՎԱԶ-21061» մակնիշի ավտոմեքենան բախվել է հանդիպակաց ընթացող «Ֆորդ-Մոնդեո» մակնիշի ավտոմեքենայի:
«ՎԱԶ-21061»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:
***
Մայիսի 24-ին, ժամը 19.15-ի սահմաններում, Գորիս քաղաքի Անկախության փողոցի թիվ 74 տան դիմաց «Ֆոլքսվագեն Գոլֆ» մակնիշի ավտոմեքենան դուրս է եկել հանդիպակաց երթևեկելի գոտի և բախվել «Հոնդայի Տուքսոն» մակնիշի ավտոմեքենայի:
«Ֆոլքսվագեն Գոլֆ»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 24-ին, ժամը 21.00-ի սահմաններում, Սյունիքի մարզի Նռնաձոր գյուղի գյուղամիջյան ճանապարհին «ՈւԱԶ-469» մակնիշի ավտոմեքենան կորցրել է կառավարումը և 7 մետր գլորվել պտղատու այգիների ուղղությամբ:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: