Ճանապարհատրանսպորտային պատահարներ

Մարտի 28-ին, ժամը 11.00-ին, Երևանի Խանջյան փողոցից դեպի Հերացու փողոց տանող ճանապարհահատվածում իրար են բախվել երկու «Մերսեդես Բենց», «Ռենո» և «Նիսան» մակնիշի ավտոմեքենաներ:
«Ռենո»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 28-ին, ժամը 15.50-ին, «BYD» մակնիշի ավտոմեքենայի վարորդը Երևանի Բաղրամյան պողոտայի և Պռոշյան փողոցի խաչմերուկում վրաերթի է ենթարկել 33-ամյա հեծանվորդուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մարտի 28-ին, ժամը 17.10-ի սահմաններում, անհայտ ավտոմեքենայի վարորդը Իջևանի Անկախության, Գանինի և Երիտասարդական փողոցների խաչմերուկում վրաերթի է ենթարկել 6-ամյա աղջկա և դիմել փախուստի:
Երեխան մարմնական վնասվածքներով տեղափոխվել է հիվանդանոց:
Կատարվում է քննություն: