Ճանապարհատրանսպորտային պատահարներ Հայաստանում

Հունիսի 6-ին, ժամը 14.30-ին, Երևանի Եղ. Թադևոսյան և Բագրատունյաց փողոցների խաչմերուկում իրար են բախվել «Օպել» և «Տոյոտա» մակնիշի ավտոմեքենաներ. «Տոյոտայի» 12-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 6-ին, ժամը 13.45-ին, Երևանի Տիգրան Մեծի պողոտայում անհայտ ավտոմեքենայի վարորդը վրաերթի է ենթարկել 47-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 5-ին, ժամը 22.13-ին, Երևանի Սեբաստիայի փողոցում իրար են բախվել «Մերսեդես», «ՎԱԶ-21150» և «Նիսան» մակնիշի ավտոմեքենաներ. «Նիսանի» 35-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 6-ին, ժամը 00.30-ի սահմաններում, Երևան-Արտաշատ ճանապարհին՝ Այնթապ գյուղի սկզբնամասում, «Մերսեդես» մակնիշի ավտոմեքենան դուրս է եկել երթևեկելի գոտուց, բախվել էլեկտրասյանը և կողաշրջվել. 34-ամյա վարորդը և 41-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Հունիսի 6-ին, ժամը 13.15-ի սահմաններում, Գավառ քաղաքի Ազատության և Շահումյան փողոցների խաչմերուկում իրար են բախվել «Օպել» և «Մինի Կուպեր» մակնիշի ավտոմեքենաներ. «Մինի Կուպերի» 28-ամյ ա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 6-ին, ժամը 17.00-ի սահմաններում, Կոտայքի մարզի Ջրվեժ գյուղում իրար են բախվել «Կիա» և «Նիսան» մակնիշի ավտոմեքենաներ. «Նիսանի» 24-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 6-ին, ժամը 17.05-ի սահմաններում, Կոտայքի մարզի Առինջ գյուղում «Ռաֆ» մակնիշի ավտոմեքենան բախվել է կայանված «Ինֆինիտի» և «Աուդի» մակնիշի ավտոմեքենաների. «Ռաֆի» 69-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հունիսի 6-ին, ժամը 13.10-ի սահմաններում, Չարենցավան-Ալափարս ճանապարհին իրար են բախվել «ՎԱԶ-2107» և «Նիսան Տիդա» մակնիշի ավտոմեքենաներ. վարորդները մարմնական վնասվածքներով տեղափոխվել են հիվանդանոց:
Կատարվում է քննություն:

***

Հունիսի 6-ին, ժամը 17.50-ի սահմաններում, Մարալիկ քաղաքի Կոլտնտեսականների փողոցում «ՎԱԶ-21074» մակնիշի ավտոմեքենան կողաշրջվել է. 49-ամյա վարորդը և 44-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: