Ճանապարհատրանսպորտային պատահարներ Հայաստանում

Օգոստոսի 17-ին, ժամը 15.15-ին, Երևանի Սայաթ-Նովայի պողոտայի և Ալեք Մանուկյան փողոցի խաչմերուկում իրար են բախվել «Օպել» մակնիշի ավտոմեքենան և «Հայասա» մոպեդը. 18-ամյա մոպեդավարը մարմնական վնասվածքներով տեղափոխվել է հիվանդանոց:
Կատարվում է քննություն:
***
Օգոստոսի 17-ին, ժամը 21.40-ին, Երևանի Արցախի պողոտայի և Արին-Բերդ փողոցի խաչմերուկում իրար են բախվել «Տոյոտա» և
«Նիսան» մակնիշի ավտոմեքենաներ. «Նիսանի» 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Օգոստոսի 17-ին, ժամը 18.30-ին, ԵրևանիՄյասնիկյան պողոտայում «Ֆորդ» մակնիշի ավտոմեքենան բախվել է կայանված «Զիլ-130» մակնիշի ավտոմեքենային. «Ֆորդի» 45-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
***
Օգոստոսի 17-ին, ժամը 09.00-ի սահմաններում, Աշտարակի Երևանյան փողոցում անհայտ ավտոմեքենայի վարորդը վրաերթի է ենթարկել 17-ամյա աղջկա, որը մարմնական վնասվածքներով տեղափոխվել է հիվանդանոց։ Վարորդը դիմել է փախուստի։ Ձեռնարկվում են միջոցառումներ՝ նրան հայտնաբերելու ուղղությամբ։
Կատարվում է քննություն:
***
Օգոստոսի 17-ին, ժամը 14.30-ի սահմաններում, Արարատի մարզի Ավշար գյուղում իրար են բախվել «Նիսան» և «ՎԱԶ-2106» մակնիշի ավտոմեքենաներ. «ՎԱԶ-2106»-ի 58-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Օգոստոսի 18-ին, ժամը 01.10-ի սահմաններում, Երևան-Սևան-Դիլիջան ճանապարհի 99-րդ կմ-ին իրար են բախվել «Մերսեդես Բենց» և «Դաֆ» մակնիշի ավտոմեքենաներ. «Մերսեդես Բենցի» 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: