Պատահարներ Երևանում և հանրապետության ավտոճանապարհներին
![Պատահարներ Երևանում և հանրապետության ավտոճանապարհներին Պատահարներ Երևանում և հանրապետության ավտոճանապարհներին](/timthumb?src=/resources/police/img/news/big/1526384691,2427.jpeg&q=75&w=780&wm=1)
Մայիսի 14-ին, ժամը 5.00-ին, Երևանի Սասնա Ծռերի թիվ 9 տան մոտ իրար են բախվել «Պեժո» և «Մերսեդես» մակնիշի ավտոմեքենաներ:
«Մերսեդես»-ի վարորդը և «Պեժո»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 14-ին, ժամը 21.00-ին, «Մերսեդես» մակնիշի ավտոմեքենայի վարորդը Երևանի Արշակունյաց պողոտայում վրաերթի է ենթարկել 24-ամյա երիտասարդի, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 13-ին, ժամը 22.45-ին, Երևանի Նուբարաշեն խճուղու թիվ 1 հասցեի ավտոլվացման կետում աշխատակիցը անհայտ ավտոմեքենայի շարժիչը գործի դրված վիճակում սրահը մաքրելիս պատահաբար ձեռքով դիպել է փոխանցման տուփի լծակին, ինչի հետևանքով ավտոմեքենան առաջ է ընթացել, աշխատակցի ոտքը դիպել է պատին, նա ստացել է մարմնական վնասվածք և տեղափոխվել հիվանդանոց:
Կատարվում է քննություն:
***
Մայիսի 14-ին, ժամը 15.30-ին, «Նիսան» մակնիշի ավտոմեքենան բախվել է Երևանի Նուբարաշենի 4-րդ փողոցի թիվ 7 հասցեի երկաթյա դարպասին:
Վարորդը մարմնական վնասվածքով տեղափոխվել է հիվանդանոց:
Կատարվում է քննություն:
***
Մայիսի 13-ին, ժամը 21.45-ին, անհայտ ավտոմեքենայի վարորդը Երևանի Գյուրջյան փողոցի 10 հասցեում գտնվող «Սուրբ Գրիգոր Լուսավորիչ» Բ/Կ-ի տարածքում վրաերթի է ենթարկել 35-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 14-ին, ժամը 00.30-ի սահմաններում, «Տոյոտա» մակնիշի ավտոմեքենան «Զվարթնոց» օդանավակայանի տարածքում դուրս է եկել երթևեկելի գոտուց, բախվել մայթեզրին, այնուհետև օդանավակայանի տարածքում գտնվող քարե շինության պատին:
Վարորդը և 3 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 14-ին, ժամը 16.00-ի սահմաններում, Մայիսյան Կամուրջ-Նոյեմբերյան ճանապարհի 15-րդ կ/մ-ին իրար են բախվել «Մերսեդես E 320» և «Տոյոտա Վիտս» մակնիշի ավտոմեքենաներ:
«Տոյոտա Վիտս»-ի վարորդը և 2 ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: