Պարեկները հետախուզվողին հայտնաբերեցին Խանջյան փողոցում

Ոստիկանության պարեկային ծառայության Երևանի գնդի 4-րդ գումարտակի ծառայողների ձեռնարկած միջոցառումների շնորհիվ հունվարի 5-ին, ժամը 11.20-ին, Երևանի Խանջյան փողոցում հայտնաբերվել և բաժին բերման է ենթարկվել 1995 թ. ծնված Արայիկ Գ.-ն, որը 2021 թ. սեպտեմբերի 3-ից ոստիկանության Հրազդանի բաժնի կողմից հետախուզվում էր ՀՀ քրեական օրենսգրքի 235-րդ հոդվածի (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 4-րդ մասի և 316-րդ հոդվածի (Իշխանության ներկայացուցչի նկատմամբ բռնություն գործադրելը) 2-րդ մասի մեղադրանքով:
Խափանման միջոցը՝ ստորագրություն:
Արայիկ Գ.-ն հանձնվել է ոստիկանության Հրազդանի բաժնի ծառայողներին: