Երևանի պարեկները թմրանյութ են հայտնաբերել

Հուլիսի 4-ի լուսադեմին պարեկային ծառայության Երևանի գնդի 2-րդ գումարտակի 3-րդ վաշտի ոստիկանները Շենգավիթ վարչական շրջանում ծառայություն իրականացնելիս, ապօրինի թմրանյութ պահելու և օգտագործելու կասկածանքով, ձերբակալել ու ոստիկանության Շենգավիթի բաժին են տարել Երևանի 25-ամյա մի բնակչի։
Նրա խուզարկությամբ հայտնաբերվել է մեթամֆետամին թմրամիջոցի նմանվող բյուրեղանման զանգված: Երիտասարդի մեքենան տեղափոխվել է բաժնի պահպանվող հատուկ տարածք։
Հանգամանքները նախաքննությամբ պարզվում են: