Պարեկների անցած շաբաթվա ծառայության արդյունքները մայրաքաղաքում և մարզերում

Մայիսի 27-ից հունիսի 3-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 2923 խախտում՝ պահպանվող հատուկ տարածք տեղափոխելով 122 մեքենա։ Մասնավորապես, հայտնաբերվել է ոչ սթափ վիճակում մեքենա վարող՝ 145, առանց վարորդական իրավունքի վկայականի՝ 249 անձ։ Հայտնաբերվել են հաշվառման համարանիշի հետ կապված՝ 29, չամրակապված վարելու՝ 359, վարելիս ծխախոտային արտադրատեսակ օգտագործելու՝ 241, վարելիս հեռախոսից օգտվելու՝ 92, հետիոտնի՝ ոչ սահմանված վայրով անցնելու՝ 83 և 1195 այլ իրավախախտումներ։ 123 մեքենա շահագործվել է առանց ԱՊՊԱ պայմանագրի, 117-ը՝ տեխնիկական զննություն չանցած, 87-ը՝ արտաքին լուսային սարքերի անսարքությամբ, որից 2-ը՝ բեռնատարներ, 96-ը՝ թաղանթապատված կողային ապակիներով։ Բացի այդ, տարբեր կասկածանքներով ձերբակալվել ու բաժիններ է տարվել 74 անձ։
Նույն ժամանակահատվածում մարզերում պարեկները հայտնաբերել են ճանապարհային երթևեկության կանոնների 13098 խախտում՝ պահպանվող հատուկ տարածքներ տեղափոխելով 201 տրանսպորտային միջոց։ Հայտնաբերվել է ոչ սթափ վիճակում մեքենա վարող՝ 189, առանց վարորդական իրավունքի վկայականի՝ 691 անձ։ Հայտնաբերվել են հաշվառման համարանիշի հետ կապված՝ 74, չամրակապված վարելու՝ 3035, վարելիս ծխախոտային արտադրատեսակ օգտագործելու՝ 290, վարելիս հեռախոսից օգտվելու՝ 422, հետիոտնի՝ ոչ սահմանված վայրով անցնելու՝ 28, արագության գերազանցման՝ 1580 և 3740 այլ իրավախախտումներ։ 453 մեքենա շահագործվել է առանց ԱՊՊԱ պայմանագրի, 1443-ը՝ տեխնիկական զննություն չանցած, 417-ը՝ արտաքին լուսային սարքերի անսարքությամբ, որից 18-ը՝ բեռնատարներ, 157-ը՝ թաղանթապատված դիմապակիով և կողային ապակիներով։ Բացի այդ, տարբեր կասկածանքով ձերբակալվել ու բաժիններ է տարվել 65 անձ։