1-02

ՀՀ ՆԳՆ ոստիկանության թեժ գիծ

Ընդհանուր հարցերով
(+374) 10 54-69-14
(+374) 10 54-69-12
Աշխ. ժամեր՝ 9-ից 18-ը
Ընդմիջում՝ 13-ից 14-ը
Հանգստյան օրեր՝ շաբաթ, կիրակի

ՆԳՆ ինտերնետային խարդախություններ
Թեժ գիծ՝ 011 52 52 52

ՆԳՆ ոստիկանության պարեկային ծառայություն
Հեռ․՝ 010-51-29-65,
էլ․ փոստ՝ patrol-service@police.am

ՆԳՆ ոստիկանության համայնքային ոստիկանության գլխավոր վարչություն
Հեռ․՝ 010-52-03-10,
էլ․ փոստ՝ hvogv@police.am

ՆԳՆ ոստիկանության քրեական ոստիկանության գլխավոր վարչություն
Հեռ․՝ 011-56-47-72,
էլ․ փոստ՝ gdcp@police.am

ՆԳՆ ոստիկանության զորքեր
Հեռ․՝ 010-37-02-96,
էլ․ փոստ՝ zorqer@mia.gov.am


 

 
 
 

 

 

Գեղարքունիքի պարեկների պայքարը թմրամոլության դեմ

Հոկտեմբերի 12-ին, կեսօրին մոտ, Սևան քաղաքում ծառայություն իրականացնող պարեկները Չարենցի փողոցում ստուգման նպատակով կանգնեցրել են «ՎԱԶ-21104» մակնիշի մի մեքենա, որի 22-ամյա վարորդը փաստաթղթերի հետ գրպանից հանել է կաթուցիչ, որը կրկին թաքցրել է գրպանում: Թմրանյութ պահելու և օգտագործելու կասկածանքով նա ձերբակալվել ու, մեքենայով հանդերձ, տեղափոխվել է ոստիկանության Սևանի բաժին: Անձնական խուզարկությամբ նրա վերարկուի գրպանում մոխրացած հետքերով կաթուցիչը հայտնաբերվել է: Ըստ երիտասարդի` այն իրենն է, մոտ մեկ տարի առաջ դրանով օգտագործել է թմրանյութ ու կաթուցիչը մոռացել-թողել է վերարկուի գրպանում:
Նշանակվել է փորձաքննություն:
Նման մի դեպք էլ, դարձյալ Սևան քաղաքում, արձանագրվեց հոկտեմբերի 17-ին:
Առավոտյան ժամը 4-ին մոտ, Շինարարների փողոցում Գեղարքունիքի պարեկները կանգնեցրել են «ԳԱԶ-31105» մակնիշի մի մեքենա. սևանցի 19-ամյա ուղևորը դրսևորել է կասկածելի վարք: Վարորդն ու չորս ուղևորները, բոլորն էլ 18-20 տարեկան, տեղափոխվել են ոստիկանության Սևանի բաժին: Անձնական խուզարկությամբ 19-ամյա սևացու մոտ հայտնաբերվել է ծխախոտի տուփ, մեջը` մոխրացած հետքերով կաթուցիչ:
Երիտասարդներն ու կազմված փաստաթղթերը ներկայացվել են Սևանի քննչական բաժին: Երկու դեպքով էլ հանգամանքները պարզվում են: