ՊԱՐԶԱԲԱՆՈՒՄ
![ՊԱՐԶԱԲԱՆՈՒՄ ՊԱՐԶԱԲԱՆՈՒՄ](/timthumb?src=/resources/police/img/news/big/1541510720,8025.jpeg&q=75&w=780&wm=1)
«Hraparak.am» կայքում 05.11.2018թ. տպագրված «Շատ խելացի լինելն էլ մի բան չէ» վերնագրով հոդվածի վերաբերյալ տեղեկացնում ենք, որ ՀՀ ոստիկանության Ճանապարհային ոստիկանության կողմից կատարված ուսումնասիրությունների արդյունքում պարզվել է, որ Աճառյան փողոցի 5 խաչմերուկներում տեղադրված «Խելացի լուսացույցները» աշխատում են նորմալ, և դրանց շնորհիվ զգալիորեն բարելավվել է Աճառյան փողոցի երթևեկությունը՝ հնարավորինս նվազել են հապաղումները:
Աճառյան փողոցի 5 խաչմերուկներում տեղադրված լուսացույցները հակասության մեջ չեն գտնվում՝ ընդհակառակը նրանք աշխատում են սինխրոն և տրանսպորտային միջոցների հապաղումներ կարող են առաջանալ միայն վթարների հետևանքով:
Տարեցտարի ավելանում է Երևան քաղաքի տրանսպորտային միջոցների քանակը, ինչին համահունչ էլ Ճանապարհային ոստիկանությունն իրականացնում է երթևեկության կազմակերպման փոփոխություններ և կիրառում է տեխնիկական նոր մեթոդներ՝ հնարավոր հապաղումներից ու խցանումներից խուսափելու համար:
Հոդվածի հեղինակին խնդրում ենք այսուհետ երթևեկության անվտանգության վերաբերյալ վերլուծություն կատարելիս դիմել նաև Ճանապարհային ոստիկանության մասնագետներին, որպեսզի վերլուծությունը լինի առավել մասնագիտական:
Ճանապարհային ոստիկանություն