Պարզաբանում

«ՀԺ»-ն իր 18.03.2014 թ. համարի մի հրապարակման մեջ նշել է, թե  ՀՀ ոստիկանության պետը զենք է նվիրել քաղաքացու:

Հիշեցնենք, որ Վլադիմիր Գասպարյանի նշանակման առաջին իսկ օրվանից ոստիկանությունը հետևողական աշխատանք է տանում քաղաքացիների մոտ պահվող զենք-զինամթերքի առգրավման ուղղությամբ՝ նկատի ունենալով զենքի կիրառման հնարավոր վտանգները: Բացի այդ, ոստիկանության պետն ըստ օրենքի չի կարող քաղաքացիներին պարգևատրել զենքով. «Զենքի մասին» ՀՀ օրենքը նախատեսում է, որ ՀՀ ոստիկանության պետը իրավունք ունի զենքով պարգևատրելու ոստիկանության ծառայողներին՝ երկարամյա օրինակելի և անբասիր ծառայության, ինչպես նաև ծառայողական պարտականությունները և (կամ) հատուկ առաջադրանքները գերազանց կատարելու համար: 

Կրկին խորհուրդ ենք տալիս որոշ ԶԼՄ-ների ներկայացուցիչներին. թեմա փնտրելիս չեղած մեղքեր մի հորինեք ու ձեռնպահ մնացեք ընթերցող գրավելու նպատակով պաշտոնյաների անուններ շրջանառելու ոչ կոռեկտ հնարքից: