Պարզաբանում

Զանգվածային լրատվության միջոցներով տեղեկատվություն է տարածվել, որ քաղաքացին մայիսի 12-ի առավոտյան զանգահարել է ՀՀ ոստիկանության անձնագրային և վիզաների վարչություն` ճշտելու, թե այլ մարզերում գրանցված անձը կարո՞ղ է ելքի վիզան երկարացնել գլխամասային հաստատությունում, սակայն զանգին, իբր, կոպիտ են պատասխանել:
Ուսումնասիրությամբ պարզվել է, որ քաղաքացին զանգահարել է անձնագրային և վիզաների վարչության հերթապահ մասի 37-02-63 հեռախոսահամարով` տեղեկանալու, թե անձնագրում օտարերկրյա պետությունում վավերականության նշում կատարելու համար ո±ր ստորաբաժանում կարող է դիմել: Հերթապահ մասում ծառայություն կատարող աշխատակիցը պատասխանել է, որ քաղաքացին կարող է դիմել կամ հաշվառման վայրի անձնագրային ծառայություն կամ, հաշվառում չունենալու դեպքում` անձնագրային և վիզաների վարչություն: Այնուհետև, մոտ 5 րոպեից կրկին զանգահարելով` հարցրել են, թե արդյոք ճշտե՞լ են` որ աշխատասենյակ պետք է դիմի քաղաքացին: Հերթապահ մասից պատասխանել են, որ անձնագրային և վիզաների վարչություն այցելելուց հետո քաղաքացուն կտրվի մանրամասն պարզաբանում: