Պարզաբանում

«Ժողովուրդ» օրաթերթը այսօր էլ, հերթական անգամ, հանդես է եկել, մեղմ ասած՝ չիմացության «հերթական» դրսևորումով:
Թերթը «ոստիկանական խախտում» է վերնագրել մի տեղեկություն, որը բացարձակապես կապ չունի ոստիկանության հետ:
Կրկին ստիպված ենք այդ լրատվամիջոցին մատների վրա բացատրել ամենատարրական բաները:
Այս անգամ անցնենք հապավումների վերծանմանը: Պետական պահպանության ծառայություն անվանումով ստորաբաժանում ոստիկանության կազմում գոյություն չունի: Կա Պարեկապահակետային ծառայության գունդ, որը որպես առանձին միավոր գնումներ չի իրականացնում:
Անկեղծ ասած, ամենուր ոստիկանություն փնտրելու, չգտնելու դեպքում էլ՝ հորինելու «Ժողովուրդ»-ի այս մտասևեռումը արդեն խիստ հետևողական է ու մտահոգիչ…