Պայուսակից դրամապանակ գողացողին հայտնաբերեցին

Ոստիկանության Շենգավիթի բաժնի ծառայողները ապրիլի 1-ին, ժամը 15.30-ին, Երևանի Անդրանիկի փողոցի թիվ 2/Ա շենքի մոտից, գողություն կատարելու կասկածանքով, բերման են ենթարկել 1988 թ. ծնված Գագիկ Կ.-ին: Վերջինս խոստովանել է, որ մարտի 4-ին թիվ 39 երթուղու միկրոավտոբուսի սրահում մի աղջկա պայուսակից գողացել է դրամապանակ, որի մեջ եղել է 60.000 դրամ և պլաստիկ բանկային քարտեր:
Ձեռնարկված միջոցառումների շնորհիվ պարզվել է, որ տուժողը 1990 թ. ծնված Օֆելյա Ն.-ն է, որը ապրիլի 1-ին, ժամը 17.00-ին, հաղորդում է տվել, որ իր պայուսակից գողացել են դրամապանակը` պատճառելով 70.000 դրամի նյութական վնաս:
Կատարվում է հետաքննություն: