Պատահարներ Երևանում և հանրապետության ավտոճանապարհներին

Հուլիսի 4-ին, ժամը 14.15-ին, հիվանդանոց բուժօգնության է դիմել 33-ամյա տղամարդ և հայտնել, որ հուլիսի 3-ին, ժամը 23.00-ին, Երևանի Ամիրյան փողոցի թիվ 4/7 հասցեի դիմաց իր «Կավասակի» մակնիշի մոտոցիկլետով կողաշրջվել է, ինչի հետևանքով ստացել է վնասվածքներ:
Կատարվում է քննություն:

***
Հուլիսի 4-ին, ժամը 02.50-ին, Երևանի Վ. Փափազյան և Հ. Սահյան փողոցների խաչմերուկում իրար են բախվել «Ֆոլքսվագեն» և «Օպել» մակնիշի ավտոմեքենաներ:
«Օպել»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 4-ին, ժամը 18.30-ին, Երևանի Ավանի Աշխաբադի փողոցի թիվ 23 հասցեի դիմաց կայանված «ԳԱԶել» մակնիշի բեռնատար ավտոմեքենան վերանորոգման ժամանակ ինքնաբերաբար առաջ է ընթացել և քարշակել 37-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 4-ին, ժամը 16.15-ի սահմաններում, Գառնիից դեպի Գեղարդ տանող ճանապարհին «Միցուբիշի Պաջերո ԻՕ» մակնիշի ավտոմեքենան բախվել է պատի, ինչի հետևանքով 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Հուլիսի 5-ին, ժամը 11.40-ին, Երևանի Ռոստովյան և Աթոյան փողոցների խաչմերուկում իրար են բախվել «Միցուբիշի» և «Մերսեդես-Բենց» մակնիշի ավտոմեքենաներ:
«Միցուբիշի»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 5-ին, ժամը 13.50-ին, Ճանապարհային ոստիկանության ՕԿԿ հաղորդում է ստացվել, որ նույն օրը, ժամը 13.10-ին, «Բի Ուայ Դի» մակնիշի ավտոմեքենայի վարորդը Երևանի Պարույր Սևակի փողոցի թիվ 38 հասցեի մոտ վրաերթի է ենթարկել 21-ամյա քաղաքացուհու, ով մարմնական վնասվածքներով տեղափոխվել է հիվանդանոց:
Կատարվում է քննություն:

***
Հուլիսի 5-ին, ժամը 04.30-ի սահմաններում, «Մերսեդես Բենց» մակնիշի ավտոմեքենան բախվել է Արտաշատ քաղաքի Իսակովի փողոցի թիվ 99 շենքի դիմացի մայթեզրի էլեկտրասյանը:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն: