Պետական սահմանն ապօրինի հատելու և փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելու, իրացնելու կամ օգտագործելու մեղադրանքով

Ապրիլի 1-ին, ժամը 06.05-ին, ոստիկանության «Զվարթնոց» օդանավակայանի գծային բաժնի ծառայողները  Մոսկվա-Երևան  չվերթի ինքնաթիռի ժամանումից հետո բերման են  ենթարկել 1962 թ. ծնված Հակոբ Ս.-ին, որը 2012 թ. նոյեմբերի 16-ից  ոստիկանության Դիլիջանի բաժնի կողմից հետախուզվում էր ՀՀ քրեական  օրենսգրքի 329 հոդվածի (Պետական սահմանն ապօրինի հատելը) 1-ին մասի և 325 հոդվածի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը) 1-ին մասի մեղադրանքով: