Ջրատարում դիակ է հայտնաբերվել

Մայիսի 14-ին, ժամը 09.30-ին, ոստիկանության Աշտարակի բաժնում ահազանգ է ստացվել, որ «Տկահանի» կոչվող ջրատարի մեջ դիակ կա:
Մեկնած օպերատիվ խումբը պարզել է, որ 1997 թ. ծնված Հայկ Սահակյանը դեռևս չպարզված ժամանակահատվածում և հանգամանքներում ընկել է Սասունիկ համայնքով անցնող ջրատարն ու մահացել:
Արտաքին զննությամբ դիակի վրա վնասվածքների և բռնության հետքեր չեն հայտնաբերվել:
Նշանակվել է դատաբժշկական փորձաքննություն:
Հանգամանքները պարզվում են:
ՀՀ ՔԿ Արագածոտնի մարզային քննչական վարչությունում նախապատրաստվում են նյութեր: