ՌԴ իրավապահների կողմից հետախուզվողներ են ներկայացել ոստիկանություն

Ոստիկանության Էրեբունու բաժնի ՔՀԲ ծառայողների ձեռնարկած միջոցառումների շնորհիվ դեկտեմբերի 15-ին բաժին է ներկայացել 45-ամյա Ռուբեն Յ.-ն, որը 2019 թ. սեպտեմբերից հետախուզվում էր ՌԴ ՆԳՆ Անապա քաղաքի ՆԳ բաժնի կողմից՝ ՌԴ քրեական օրենսգրքի 228-րդ հոդվածի (Թմրամիջոցի ապօրինի շրջանառությունը) մեղադրանքով:
Խափանման միջոցը՝ ստորագրություն:
Հայտնաբերման մասին հայտնվել է հետախուզումը նախաձեռնողին:

***

Ոստիկանության ՔՈ գլխավոր վարչության ծառայողների բացատրական աշխատանքի շնորհիվ դեկտեմբերի 15-ին ոստիկանության ՔՈ գլխավոր վարչություն է ներկայացել 34-ամյա Ռոմա Հ.-ն, որը հոկտեմբերի 21-ից ՌԴ ՆԳՆ Մոսկվա քաղաքի իրավապահների կողմից հետախուզվում էր ՌԴ քրեական օրենսգրքի 171.2-րդ հոդվածի (Մոլախաղերի անօրինական կազմակերպումը) մեղադրանքով:
Առանց խափանման միջոցի:
Հայտնաբերման մասին հայտնվել է հետախուզումը նախաձեռնողին և ՀՀ գլխավոր դատախազություն: