Բերման ենթարկվածի մոտ թմրամիջոց և սառը զենք կար

Ոստիկանության Կարեն Դեմիրճյանի անվան մետրոպոլիտենի պահպանության բաժնի քրեական հետախույզները օպերատիվ տվյալներն իրացրին մարտի 14-ին: Ժամը 19.40-ին «Բարեկամություն» կայարանի նախասրահից բերման ենթարկեցին մայրաքաղաքի բնակիչ, 21-ամյա մի երիտասարդի: Անձնական խուզարկությամբ հայտնաբերվեց ծխախոտի տուփ, որի մեջ կաթուցիչ էր և մարիխուանայի նմանվող զանգված, իսկ ձեռքի պայուսակում կռփազենք կար:
Ըստ երիտասարդի` թմրանյութն իրենն է, անձնական օգտագործման համար:
Նշանակվել են փորձաքննություններ, հանգամանքները պարզվում են: