Սեմինար-խորհրդակցություն ՀՀ ոստիկանությունում (ՏԵՍԱՆՅՈՒԹ)
![Սեմինար-խորհրդակցություն ՀՀ ոստիկանությունում (ՏԵՍԱՆՅՈՒԹ) Սեմինար-խորհրդակցություն ՀՀ ոստիկանությունում (ՏԵՍԱՆՅՈՒԹ)](/timthumb?src=/resources/police/img/news/big/1364478241,0863.jpeg&q=75&w=780&wm=1)
Ոստիկանությունում շարունակվում են բարեփոխումները, որոնց արդյունավետությունը բարձրացնելու, աշխատակիցների գիտելիքները զարգացնելու համար պարբերաբար կազմակերպվում են սեմինար-խորհրդակցություններ:
Մարտի 28-ին ոստիկանության հերթապահ մասերի պետերի մասնակցությամբ անցկացված հերթական սեմինար-խորհրդակցության ժամանակ, որին մասնակցում էին նաև ՁՊՎ-ներում վերահսկողություն իրականացնող դիտորդական խմբի անդամները, ՀՀ ոստիկանության պետ, գեներալ-լեյտենանտ Վլադիմիր Գասպարյանը ողջունելով մասնակիցներին` նախ շնորհակալություն հայտնեց փոփոխություններին արձագանքելու եւ նոր մոտեցումներն արագ կյանքի կոչելու համար: Իհարկե, դեռ կան թերություններ, որոնք վերացնելուն էլ ուղղված են սեմինարները: Այսօր, փաստորեն, ոստիկանության հերթապահ մասերի կարգավիճակն ու դերն է բարձրացվել, նրանց են հանձնվել նաեւ ՁՊՎ-ները` ձերբակալվածների պահման վայրերը, ինչը ենթադրում է նաեւ պատասխանատվության բարձրացում:
Կարեւորելով ոստիկանության հերթապահ մասերի դերը քաղաքացիների վստահությունը ձեռք բերելու գործում` Վլադիմիր Գասպարյանը հատուկ ուշադրություն հրավիրեց քաղաքացիներից հաղորդումներ ընդունելու ընթացակարգին, նաեւ այն հոգեբանական խնդիրներին, որ կարող են ծագել հայտարարություն տվողների հետ:
Հանդիպման վերջում Վլադիմիր Գասպարյանը հաջողություն մաղթեց սեմինար-խորհրդակցության մասնակիցներին` հույսով, որ ոստիկանությունում կատարվող բարեփոխումները կյանքի կկոչվեն սրտացավ ու բանիմաց, պրոֆեսիոնալ ոստիկանների ուժերով:
![](/images/28-03-2013-01.jpg)
![](/images/28-03-2013-02.jpg)