Գլխավոր էջ
ՆՈՐՈՒԹՅՈՒՆՆԵՐ
Համակարգի լրատու
Սեմինար պարապմունք ոստիկանության հերթապահ մասերի ծառայողների համար. ոստիկանության պետը կարևորել է հերթապահ մասի դերն ու նշանակությունը ոստիկանության գործունեության մեջ (ՏԵՍԱՆՅՈՒԹ)

Սեմինար պարապմունք ոստիկանության հերթապահ մասերի ծառայողների համար. ոստիկանության պետը կարևորել է հերթապահ մասի դերն ու նշանակությունը ոստիկանության գործունեության մեջ (ՏԵՍԱՆՅՈՒԹ)

21.11.2012 20:15 Համակարգի լրատու

Նոյեմբերի 21-ին տեղի ունեցավ ոստիկանության հերթապահ մասի ծառայողների սեմինար պարապմունք, որի ընթացքում ոստիկանության պետ, գեներալ-լեյտենանտ Վլադիմիր Գասպարյանը ներկայացրեց ծառայության աշխատանքի կազմակերպման և անհրաժեշտ բարեփոխումների վերաբերյալ իր դիտարկումները` կարևորելով հերթապահ մասի դերն ու նշանակությունը ոստիկանության գործունեության մեջ:

Շեշտելով, որ հերթապահ մասն այն հանգուցակետն է, որտեղ հանդիպում են քաղաքացին ու ոստիկանությունը՝ Վլադիմիր Գասպարյանը նշեց, որ այդ առումով օրախնդիր է ոստիկանությունում հոգեբանների ինստիտուտ և հերթապահ մասերում հոգեբաններ ունենալու անհրաժեշտությունը:

Վլադիմիր Գասպարյանը սեմինարի մասնակիցներին առաջադրեց իրենց ծառայության և ընդհանրապես ոստիկանության հեղինակության անվերապահ բարձրացման խնդիրը, քանի որ, մեծ հաշվով, դրանով է պայմանավորված ոստիկանություն-հասարակություն կապի ամրապնդման հեռանկարը:

Ոստիկանության պետն անդրադարձավ նաև ծառայության բարոյահոգեբանական վիճակի բարելավման, մարդկային ու մասնագիտական փոխօգնության, բարեփոխումներին յուրաքանչյուր ծառայողի մասնակցության խնդիրներին:

Վերստին ընդգծելով գործնական պարապմունքների նշանակությունը՝ Վլադիմիր Գասպարյանը նշեց, որ դրանք պարբերական կլինեն, իսկ ծառայության կատարելագործման ընթացքը՝ մշտապես իր ուշադրության կենտրոնում:

Սեմինար-պարապմունքի ընթացքում, որը վարում էր ոստիկանության շտաբի պետ, ոստիկանության գեներալ-մայոր Վարդան Եղիազարյանը, քննարկվեցին հերթապահ մասի ծառայության առանձնահատկություններին վերաբերող հարցեր, կոնկրետ իրավիճակների լուծման տարբերակներ, մասնակիցներին բաժանվեցին աշխատանքային ուղեցույցներ, որոնք կօգնեն բարձացնելու ծառայության որակը:

ՀԻՄՆԱԿԱՆ