Սպանության մեղադրանքով հետախուզվողին Մարոկոյի Թագավորությունից Կասաբլանկա-Մոսկվա-Երևան չվերթի ինքնաթիռով տեղափոխեցին Հայաստան

Ապրիլի 15-ին, ժամը 14.05-ին, ոստիկանության քրեական հետախուզության գլխավոր վարչության և ՀՀ-ում Ինտերպոլի ԱԿԲ-ի համատեղ օպերատիվ խմբի կողմից Մարոկոյի Թագավորությունից Կասաբլանկա-Մոսկվա-Երևան չվերթի ինքնաթիռով ՀՀ է տեղափոխվել 1967 թ. ծնված Գևորգ Խ.-ն, որը 2012 թ. դեկտեմբերի 27-ից ոստիկանության Վաղարշապատի բաժնի կողմից հետախուզվում էր ՀՀ քրեական օրենսգրքի 104 հոդվածի /սպանություն/ 2-րդ մասի 8-րդ կետի մեղադրանքով: