Վիճաբանության ժամանակ ամուսինը սպանել է կնոջը (ՏԵՍԱՆՅՈՒԹ)
![Վիճաբանության ժամանակ ամուսինը սպանել է կնոջը (ՏԵՍԱՆՅՈՒԹ) Վիճաբանության ժամանակ ամուսինը սպանել է կնոջը (ՏԵՍԱՆՅՈՒԹ)](/timthumb?src=/resources/police/img/news/big/1414509950,2223.jpeg&q=75&w=780&wm=1)
Հոկտեմբերի 27-ին, ժամը 18.25-ին, ոստիկանության Մալաթիայի բաժնում ահազանգ է ստացվել, որ շտապօգնության խումբը կանչով մեկնել է Երևանի Անդրանիկի փողոցի 13 շենքի բնակարաններից մեկը, որտեղ պարզվել է, որ սպանվել է տանտիրուհին:
Մեկնած օպերատիվ խումբը պարզել է, որ նույն օրը, ժամը 17.15-ին, կենցաղային հարցերի շուրջ ծագած վիճաբանության ժամանակ, 1945 թ. ծնված Ազատ Մնացականյանը դանակով հարվածներ հասցնելով՝ սպանել է կնոջը` 1952 թ. ծնված Մելանյա Մնացականյանին:
Ոստիկանության ծառայողները ժամը 20.00-ին Ազատ Մնացականյանին Արարատյան 1-ին զանգվածի թիվ 10/3 շենքի մոտից, սպանություն կատարելու կասկածանքով, բերման են ենթարկել ոստիկանության Մալաթիայի բաժին:
Հանցագործության գործիք դանակը հայտնաբերվել է դեպքի վայրում:
Նշանակվել են փորձաքննություններ:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: