Գրպանահատություն թիվ 261 երթուղու ավտոբուսի սրահում
![Գրպանահատություն թիվ 261 երթուղու ավտոբուսի սրահում Գրպանահատություն թիվ 261 երթուղու ավտոբուսի սրահում](/timthumb?src=/resources/police/img/news/big/1522138087,1086.jpeg&q=75&w=780&wm=1)
Մարտի 17-ին, ժամը 20.30-ին, ոստիկանության Էրեբունու բաժնում 1955 թ. ծնված Սվետլանա Հ.-ից հաղորդում էր ստացվել, որ նույն օրը, ժամը 18.00-ից 18.30-ն ընկած ժամանակահատվածում, թիվ 261 երթուղու ավտոբուսի սրահում իր պայուսակից գողացել են դրամապանակը, որի մեջ եղել է 26.000 դրամ, 5 գ ոսկի և 2 բանկային քարտ՝ պատճառելով 91.000 դրամի վնաս:
Մարտի 26-ին, ժամը 19.20-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, գողությունը կատարելու կասկածանքով, Երևանի Խորենացու և Նար Դոսի փողոցների խաչմերուկից բերման են ենթարկել 1990 թ. ծնված Ասատուր Հ.-ին, որը տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: