Վաղարշապատի ոստիկանները հետախուզվողին հայտնաբերեցին մայրաքաղաքում

Ոստիկանության Վաղարշապատի բաժնի քրեական հետախույզները տվյալներն իրացնելիս նոյեմբերի 4-ին, ժամը 17.05-ին, Երևան քաղաքի Շահումյան 4-րդ փողոցից ոստիկանության Վաղարշապատի բաժին բերման են ենթարկել 30-ամյա Մխիթար Պ.-ին, որը նոյեմբերի 4-ից հետախուզվում էր ՀՀ քրեական օրենսգրքի 243.1 հոդվածի (տրանսպորտային միջոցներ վարելու իրավունքից զրկված անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) 1-ին և 2-րդ մասերի մեղադրանքով: