Վանաձորի ոստիկանները հայտնաբերեցին դատաքննությունից խուսափողին

Ոստիկանության Բազումի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ փետրվարի 21-ին, ժամը 10.20-ին, Վանաձոր քաղաքի Բուլղարական 2-րդ ավանում հայտնաբերվել և ոստիկանության Բազումի բաժին բերման է ենթարկվել 23-ամյա Վոլոդյա Բ.-ն, որը փետրվարի 19-ից հետախուզվում էր քրեական օրենսգրքի 266 հոդվածի (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) 4-րդ մասի մեղադրանքով՝ դատաքննությունից խուսափելու համար: