Վանաձորում կատարված գողությունը բացահայտվեց

Փետրվարի 12-ին, ժամը 09.25-ին, ոստիկանության Բազումի բաժին է ահազանգել 55-ամյա մի կին և հայտնել, որ իր տան հարևանությամբ գտնվող Աղյուսագործների փողոցի տներից մեկից գողություն է կատարվել:
Մեկնած օպերատիվ խմբին հիշյալ կինը հաղորդում է տվել, որ փետրվարի 11-ի ժամը 19.00-ից փետրվարի 12-ի ժամը 09.00-ն ընկած ժամանակահատվածում, տան 2-րդ հարկի պատշգամբի դուռը տեխնիկական միջոցների գործադրմամբ բացելով՝ գողացել են էլեկտրական մսաղաց, էլեկտրական թեյնիկ, ծածկոց և այլ կենցաղային ապրանքներ:
Գողությունը կատարելու կասկածանքով, ոստիկանության Բազումի բաժնի ծառայողները բերման են ենթարկել 1993 թ. ծնված Հարութ Ա.-ին և 1992 թ. ծնված Ֆրունզե Ա.-ին: Հարութ Ա.-ն խոստովանել է, որ գողությունը կատարել են իրենք, գողոնի մի մասը թաքցրել են իրենց տանը, մի մասն էլ վաճառել են գունավոր մետաղի ընդունման կետում:
Հարութ Ա.-ն և Ֆրունզե Ա.-ն ներկայացվել են Լոռու մարզի քննչական վարչություն:
Կատարվում է նախաքննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: