Վերապատրաստման դասընթացներ ընտանեկան բռնությունների դեմ պայքարող ոստիկանների համար

Ոստիկանության ՀԱԱ ԳՎ անչափահասների գործերով և ընտանիքում բռնության կանխարգելման վարչությունը, համագործակցելով «Կանանց իրավունքների կենտրոն» հասարակական կազմակերպության հետ, Շիրակի, Լոռու և Տավուշի մարզերում կազմակերպել էր վերապատրաստման դասընթացներ, որոնց մասնակցում էին ոստիկանության մասնագիտացված ստորաբաժանումների ծառայողները։ Նմանօրինակ դասընթացները միտված են ընտանեկան բռնությունները կանխարգելող ոստիկանության ծառայողների մասնագիտական գիտելիքներն ու հմտությունները կատարելագործելուն։ Վերապատրաստման դասընթացներին նաև քննարկվեցին ոլորտի օրենսդրական կարգավորմանը, ինչպես և ծառայության ընթացքում ծագող խնդիրների արդյունավետ լուծմանը վերաբերող հարցեր։