Վիճաբանություն կայարանամերձ հրապարակի հետնամասում
24.07.2015 12:27
Մարմնական վնասվածք
Հուլիսի 23-ին, ժամը 00.55-ին, հիվանդանոցից ոստիկանության Էրեբունու բաժնում հաղորդում է ստացվել, որ «պոլիտրավմա» ախտորոշմամբ «շտապօգնության» խումբը բուժօգնության է տեղափոխել մոտ 45 տարեկան տղամարդու, ով, ըստ բժշկի հաղորդման, Սևանի փողոցում` երկաթգծի մոտ, ծեծի է ենթարկվել:
Մեկնած օպերատիվ խումբը պարզել է, որ տուժողը Կոլյա Մ.-ն է:
Նա ի վիճակի չի եղել հաղորդում տալու:
Նշանակվել է ԴԲՓ:
Ոստիկանության ծառայողների ձեռնարկած միջոցառումների շնորհիվ պարզվել է, որ հուլիսի 23-ին, ժամը 00.05-ին, Սասունցի Դավթի կայարանամերձ հրապարակի հետնամասում, վիճաբանության ժամանակ, 1987 թ. ծնված Արտաշ Շ.-ն ձեռքերով և ոտքերով հարվածել է 1964 թ. ծնված Կոլյա Մ.-ի մարմնի տարբեր մասերին` պատճառելով վնասվածք:
Կատարվում է քննություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
