Վրաերթ կատարած վարորդը ներկայացավ ոստիկանություն

Մայիսի 10-ին, ժամը 21.40-ի սահմաններում, Հաղթանակ թաղամասի 7-րդ փողոցում անհայտ ավտոմեքենայի վարորդը վրաերթի էր ենթարկել 16-ամյա աղջկա և հեռացել պատահարի վայրից: Աղջիկը մարմնական վնասվածքներով տեղափոխվել էր հիվանդանոց:
Ոստիկանության Մալաթիայի բաժնի համայնքային ոստիկանները ձեռնարկած միջոցառումների շնորհիվ պարզել են, որ վրաերթը կատարել է «ԳԱԶ-24» մակնիշի մեքենայի 34-ամյա վարորդը: Բացատրական աշխատանքի արդյունքում նա մայիսի 12-ին ներկայացել է ոստիկանության Մալաթիայի բաժին:
Կատարվում է նախաքննություն: