Փախուստի դիմած վարորդը ներկայացել է ոստիկանություն
26.08.2022 11:06
ՃՏ պատահարներ
![Փախուստի դիմած վարորդը ներկայացել է ոստիկանություն Փախուստի դիմած վարորդը ներկայացել է ոստիկանություն](/timthumb?src=/resources/police/img/news/big/1661498096-1119.jpeg&q=75&w=780&wm=1)
Օգոստոսի 25-ին, ժամը 00.40-ի սահմաններում, Արարատի մարզի Ավշար գյուղում «Մերսեդես Բենց Ե 230» մակնիշի ավտոմեքենայի վարորդը վրաերթի էր ենթարկել 44-ամյա Ռուբիկ Ա.-ին, որը մահացել էր:
Ձեռնարկվում էին միջոցառումներ՝ դեպքի վայրից փախուստի դիմած 22-ամյա վարորդին հայտնաբերելու ուղղությամբ:
Ոստիկանության Արարատի բաժնի քրեական հետախույզների բացատրական աշխատանքի արդյունքում Արարատ քաղաքի բնակիչ, 22-ամյա վարորդը ներկայացել է ոստիկանություն: Նա ներկայացվել է նախաքննական մարմին:
Նախաքննությունը շարունակվում է:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: