Պարեկները և Արաբկիրի ոստիկանները հայտնաբերեցին վրաերթ կատարած վարորդին
17.12.2021 11:42
Արձանագրված դեպքեր
![Պարեկները և Արաբկիրի ոստիկանները հայտնաբերեցին վրաերթ կատարած վարորդին Պարեկները և Արաբկիրի ոստիկանները հայտնաբերեցին վրաերթ կատարած վարորդին](/timthumb?src=/resources/police/img/news/big/1639727099-2078.jpeg&q=75&w=780&wm=1)
Դեկտեմբերի 1-ին, ժամը 19.30-ին, Երևանի Ա. Խաչատրյան և Վ. Վաղարշյան փողոցների խաչմերուկում անհայտ ավտոմեքենայի վարորդը վրաերթի էր ենթարկել 39-ամյա քաղաքացու, որը դեկտեմբերի 4-ին բուժօգնության էր դիմել հիվանդանոց:
Ոստիկանության Արաբկիրի բաժնի և պարեկային ծառայության Երևանի գնդի ծառայողների համատեղ ձեռնարկած օպերատիվ-հետախուզական միջոցառումների շնորհիվ պարզվել է, որ քաղաքացուն վրաերթի էր ենթարկել 56-ամյա տղամարդը՝ իր վարած «ԲԻԴ» ավտոմեքենայով։ Բացատրական աշխատանքի շնորհիվ դեկտեմբերի 16-ին նա ներկայացել է բաժին և տվել խոստովանական բացատրություն:
Ավտոմեքենան տեղափոխվել է ՃՈ պահպանվող հատուկ տարածք:
Կատարվում է քննություն: