2017թ. 4-րդ եռամսյակի ընթացքում ՀՀ ոստիկանության Տավուշի մարզային վարչության և ենթակա ստորաբաժանումների կողմից անցկացված աշխատանքային հանդիպումների վերաբերյալ

Իջևանի բաժին – ՀՀ ոստիկանության Տավուշի ՄՎ Իջևանի բաժնի կողմից 2017թ. ընթացքում աշխատանքներ են իրականացվել ոստիկանության գործունեությունը լուսաբանելու, զանգվածային լրատվության միջոցների ներկայացուցիչների հետ աշխատանքային հանդիպումներ անցկացնելու և ոստիկանություն-հասարակություն կապը ամրապնդելու ուղղությամբ:
«Համայնքային ոստիկանության գործառույթները» և «Ընտրությունների ժամանակ ոստիկանության գործողությունները» թեմաներով կազմակերպվել և անց են կացվել աշխատանքային հանդիպումներ ՀՀ Տավուշի մարզի Իջևանի ենթաշրջանի մի շարք համայնքներում, որոնց ժամանակ առաջադրված հարցադրումներին տրվել են պարզաբանումներ, իսկ միջոցառման վերաբերյալ «Տավուշ» հեռուստաընկերության կողմից հեռարձակվել է հրապարակում:
Սերտ փոխհամագործակցություն է իրականացվել «1-02» հեռուստաշարի հետ, որին տրամադրվել է անհրաժեշտ տեղեկատվություն և ցուցաբերվել է համապատասխան աջակցություն:

Նոյեմբերյանի բաժին - 29.12.2017թ. ոստիկանության Նոյեմբերյանի բաժնի վարչական շենքի դահլիճում հանդիպում է տեղի ունեցել ոստիկանության Նոյեմբերյանի բաժնի ծառայողների և տեղական լրատվամիջոցների հետ, որտեղ քննարկվել են բազմաբնույթ հարցեր, մասնավորապես` հասարակության և ոստիկանության կապի ամրապնդման, փոխհամագործակցության, փոխվստահության արդյունավետության, կատարվող բարեփոխումների, հանցավորության վիճակի, իրականացվելիք աշխատանքների և այլ հարցերի վերաբերյալ:

Դիլիջանի բաժին - 2017թ. դեկտամբերի 29-ին Դիլիջանի համայնքապետարանի նիստերի դահլիճում տեղի է ունեցել տոնական հանդիպում, որին ներկա են եղել համայնքի ավագանին, հիմնարկ-ձեռնարկությունների, ուսումնական հաստատությունների, ռուսական համայնքի, ԱԻ նախարարության Դիլիջանի բաժանմունքի, ԱԱ ծառայության, ՀՀ ոստիկանության Տավուշի ՄՎ Դիլիջանի բաժնի և այլ կազմակերպությունների ներկայացուցիչներ, որը լուսաբանվել է «Դիլիջան» շաբաթաթերթի խմբագրի կողմից:

Տավուշի բաժին - 2017թ. դեկտեմբերի 11-ին ՀՀ ոստիկանության Տավուշի ՄՎ Տավուշի բաժնում տեղի է ունեցել հանդիպում Բերդի տարածաշրջանի վետերանական կազմակերպության թվով 20 վետերանների հետ: Հանդիպման մասնակցել են նաև Տավուշի մարզի վետերանների խորհրդի նախագահը և Տավուշի վետերանների խորհրդի նախագահը: Հանդիպման ընթացքում քննարկվել են մի շարք հարցեր` կապված վետերանների սոցիալ-կենցաղային պայմանների, ինչպես նաև վետերաների և ոստիկանության համագործակցության հետ: