Տավուշի բաժնի ոստիկաններն ապօրինի զենք-զինամթերք են հայտնաբերել

Ապրիլի 8-ին ոստիկանության Տավուշի բաժնի ծառայողները Պառավաքար գյուղի տներից մեկում հայտնաբերել են ապօրինի պահվող «Կարաբին» տիպի ակոսափող հրազեն, «Կալաշնիկովի» ինքնաձիգի 7,62 մմ տրամաչափի 91 փամփուշտ և «Կարաբինի» նույն տրամաչափի 125 փամփուշտ:
Ըստ 66-ամյա տանտիրոջ, որի անվամբ որսորդական հրացան կա հաշվառված, «Կարաբինն» ու փամփուշտները ձեռք է բերել տարիներ առաջ։
Հայտնաբերվածն ուղարկվել է փորձաքննության։
Հանգամանքները պարզվում են։